الرئيسية
ارق و اعذب تحيه للجميع ..
لحني وداع وقم بخاويك ياليل
فيني ضجيج وصمت مااستطيعه
الشوق يجري في عروقي كما السيل
لامن جرى يصنع جمال الطبيعة
تذبحني الأحزان من دون تطبيل
حزني رسم بالصمت لوحة بديعة
مشتاق للبسمات مشتاق بالحيل
بس الألم يامر ولازم أطيعه
في غربتي عفت الفرح و التعاليل
ضاقت مع ايامي علي الوسيعة
أهديت خلاني زهور وأكاليل
واهدوني الطعنات جتني سريعة
حاولت لكن الزمن زاد بي ويل
هوجاس فكري للفياض وربيعه
اسج ودمعي في عيوني هماليل
يطري علي اللي سكن بالبديعه
يحن قلبي واشعل الشعر قنديل
وارسم شعوري لكل بيت بتبيعه
ورتني الدنيا جميع البهاذيل
شي معروف وشي مقدر أذيعه
يا جرح غنيتك على شاطي النيل
بنسى الفراق وكل لحظه فظيعه
ياديرتي مشتاق يا ريحة الهيل
ارض الكرام ترابها ما نبيعه
محلى بلادي ديرة السيف والخيل
ديرة هل العوجاء وحكم الشريعة
الخير محري بالليال المقابيل
نشوف سيله بالسدود المنيعة
..
وسلامتكم ..
