الرئيسية
هذا السؤال اثار اهتمامي لان هذا السؤال
يحتري كل انسان حتى يولد ثم ينشب براسه حتى يصبح عود او عجيّز
يامصرقعين ويامصرقعات...
سؤالــــــ يتبادر إلى ذهن الجميع دائماً ،،،
سؤالـــ طالما توقفت عليها الآمال والأماني وتهاني ومنيرة وفوزية
سؤال يمكنك وضعه تحت السرير او ركنه على الجدار او الاحتفاظ به في الثلاجه اوفي
اي مكاااان حتى نعرف مدة الصحه منه خخخخخخخخخخخخخخخخخخخخخ
سؤالـ من نعومة ضفرتي وانا ودي اسأل بس مستحيه>>>لاياشيخه...
وجابكم الله بسألكم...
السؤال هو :
متى تحـــــج البقرة على قرونها . .... ؟؟؟؟ ***
منيرة في انكسار وتميلح بعد ان استشورة القصه : ( عليان بعد عمري ،، وش رايك نروح
نتعشى في المطعم سوى ..؟؟
عليان يجاوبها وفي يده العقال :
((لا حجت البقرة على قرونها.!))
..............
** مناحي ذاك الطفل الاشهب الاغبر تووه لاعب كورة مع عيال الحارة :
مـــاما اشتري لي لعبة زي كل اصدقانــي
ترد عليه امه وفي يدها ملاس الجريش : ((لاحجت البقرة .على قرونها.!))
..............
** نووووال تلك الفتاة الطموحة تصيح بحنجرتها المبحوحة متكيه على ركبتيها ومدنقة (ن)
براسها والشعر يطسس عيونها : بـــابا باروح لبيت صديقتي هيلة ؟؟؟
الأب وهو يرش عليها رذاذا من التــُفال : ((لا حجت البقرة على قرونها ..؟؟)) ^
^
إنها لمشاهد يدمي لها القلب ،، وتدمع لها العين ،، وتنشق لها الخشوم
كل هذ ه الآمال تتحطم وتتكسر كالقزاز المتناثر والسبب ان البقرة لم تحج بعد على قرونها .. ؟؟
يافراشات...اما ان الاوان لهذه البقره ان تحج وتفكنا من شرها ؟
<< انا اشهد
قولوا لي وش السوووووووووووووات ..!!
هل نمسك بقره ونحججها على قرونها ونصورها ونجعل الكل يشوفها << مابه الا الي به
ونجعل كلاً يحقق مناااااااااااااه ام ماااااااااااذا.. ؟؟!
......بصراحه انا ناويه احجج البقر على قرونهــــــا......
نحجز لها او لااا...قولوا رايكم وخل نجمع القررروش ثمن التذكره...>>>الدعوه قررروش
الله يجزاكم خير خلونا نحججها السنه الجايه لان الحج خلص والله يعينا عليها الين تحج
اه بس كم احرمتني من اشياء من وانا صغيره تكفون قطوا خلونا نفتك
